बारामा सवारीसाधनको ठक्करबाट एकजनाको मृत्यु
- / आइतबार, फागुन २८, २०७९ ०९:३५
थप समाचार मेनु
काठमाडौं । बाराको महागढीमाई नगरपालिका–८, थलही पुलमा भएको सवारी दुर्घटनामा एकजनाको मृत्यु भएको छ ।
कलैयाबाट लंगडा चोकतर्फ जाँदै गरेको ना३७प ४१४८ नम्बरको मोटरसाइकललाई विपरीत दिशाबाट आउँदै गरेको हाल नम्बर पहिचान नभएको सवारीसाधनले हिजो साँझ करिब साढे ६ बजे ठक्कर दिएको थियो ।
दुर्घटनामा मोटरसाइकल चालक बाराकै आदर्श कोतवाल गाउँपालिका–१, जमुनियाका अन्दाजी २२ वर्षीय विकासकुमार साह घाइते भएका थिए । उनको उपचारका क्रममा वीरगन्जस्थित गण्डक अस्पतालमा हिजै बेलुका पौने ८ बजे मृत्यु भएको प्रहरीले जनाएको छ ।
ठक्कर दिने सवारीसाधनसहित चालक फरार रहेकाले खोजी भइरहेको प्रहरीले जनाएको छ ।
