थप समाचार मेनु

समय बिन्दु

- राधिका कल्पित / आइतबार, पौष २४, २०७९ ११:३३

समय बिन्दु
अकस्मात दोबाटोमा भेटिई ऊ
न `हाइ´ भन्न सकेँ
न फनक्क मोडिन सकेँ
न नजिक जान सकेँ।

अनिमेष हेरिरहेँ 
भरिलो सिउँदो 
खिरिलो शरीर
झुकेका नजर
सुकेका अधर !


पहिले झैँ
न मुस्काई ऊ
न जिस्किई 
न रन्किई 
न फन्किई
न रीस देखाई
न घुर्की लगाई!


तलाउ झैँ शान्त
घाइते झै क्लान्त
न आँखामा आँसु
न ओठमा हाँसो 
छि! कति नसुहाएको मौनताको
श्रृङ्गार उसलाई ।


म टोलाईरहेँथे एकतमासको अकर्मण्यतामा
ऊ फटाफट मेरो नजिक आई
मेरो सर्टको गोजीबाट कलम निकाली
मेरो हत्केला चपक्क समातेर पसारी
र फटाफट लेखी...
`रहर थियो मेरो बिहेको कार्डमा
तिम्रो नाम लेख्ने 
भाग्यमा रहेनछ
जन्ती लिएर त आउन सकेनौ
तर मलामी आएर
मेरो शोक पुस्तिकामा तिम्रो नाम चढाए है´ ...´


कलम मेरो हातमा थमाएर
फटाफट ओझेल परी
मेरो जून अस्तायो
मेरो मन सुस्तायो..
मृगको पाठो जस्तै चुलबुले ऊ
चलिरहन पर्ने
बोलिरहन पर्ने
मस्किईरहन पर्ने
खै त्यो ताजगी?
खै त्यो चञ्चलता?
खै त्यो देहलता?
ए समय! कति निस्ठुर तँ?
ए मेरो भाग्यविधाता!


मिल्छ भने
मेरो भाग्यमा परेको बचेखुचेको खुसी 
तिनलाई नै दे!
भैगो मेरा गुनासा जति फिर्ता लिन्छु सबै
अब रहलपहल रहरहरु
उनैलाइ फिर्ता दे
तर तर..
बिन्ती गर्छु 
उनलाइ पहिले जस्तै बनाई दे ।

सम्बन्धित समाचार

हामी अर्थात पुरुषहरू

- बलराम तिमल्सिना / मंगलबार, माघ १७, २०७९

हामी अर्थात पुरुषहरू
धर्म, परम्परा या कानूनको आड लिएर
या तिनीहरूको बहाना बनाएर
पैत्रिक सम्पत्ति सबै कब्जा गरेर
दिदी बहिनी ठग्ने 
महाठग दाजुभाइहरू हौं !

हामी अर्थात पुरुषहरू
धर्म‌,परम्परा र कानूनकै तरवार बोकेर
या तिनीहरूको बहाना बनाएर
आफ्नै छोरा र छोरीमा भेदभाव गर्ने
सारा सम्पत्ति छोराको नामम

हामी अर्थात पुरुषहरू
धर्म, परम्परा या कानूनको आड लिएर
या तिनीहरूको बहाना बनाएर
पैत्रिक सम्पत्ति सबै कब्जा गरेर
दिदी बहिनी ठग्ने 
महाठग दाजुभाइहरू हौं !

हामी अर्थात पुरुषहरू
धर्म‌,परम्परा र कानूनकै तरवार बोकेर
या तिनीहरूको बहाना बनाएर
आफ्नै छोरा र छोरीमा भेदभाव गर्ने
सारा सम्पत्ति छोराको नाममा नामसारी गरिदिएर
छोरीको थरसारी गरिदिने
असभ्य, अनैतिक र अत्याचारी बाबुहरू हौं ।

हामी अर्थात पुरुषहरू 
बिना तलव 
र बिना अधिकारमा‌
हाम्रो अङ्शको रक्षा 
हाम्रो भोक तिर्खा र काम वासनाको ख्याल
र वङ्शको निरन्तरता दिन
महिलाहरूलाई
बैबाहिक/बैधानिक दासी बनाउने
माचिस्मो लोग्नेहरू हौं ।

हामी अर्थात पुरुषहरू 
पावर-प्लस गोली खाएर 
कृतिम तथा अतिरिक्त शक्ति प्रदर्शन गर्ने 
घरदेखि राज्यसम्म 
सबैतिर हालिमुहाली गर्ने 
स्वघोषित राजाहरू हौं ।

हामी अर्थात पुरुषहरू 
कसैका पति परमेश्वर
कसैका पिता परमेश्वर
र कसैका पुत्र परमेश्वर 
देउताहरू हौं ।

हामी अर्थात पुरुषहरू
इतिहासको कठघरामा
घुँडा टेकेर माफी माग्न 
र कहिलै विगत नदोहोर्याउने कसम खान योग्य
अभियुक्तहरू हौं ।

हामीले गर्नु पर्ने छ 
प्रायश्चित अनुष्ठान हजारौं
हाम्रा पुर्वजदेखि हामीसम्मको लागि 
र घोषणा गर्नु छ-
अब हामीहरू मानिस बन्न चाहन्छौं 
त्यसो गर्न सक्दैनौं भने हामी
हामी अर्थात पुरुषहरूले
हामी अर्थात ठगहरूले
हामी अर्थात अनैतिकहरूले
हामी अर्थात स्वघोषित परमेश्वरहरूले
बढ्ता नखोकेको राम्रो 
अहम् नबोकेको राम्रो ।

Read More

‘मेरो यात्रा’ कविता सङ्ग्रह  लोकार्पण

- / आइतबार, माघ ८, २०७९

मोरङ । मोरङ सुन्दरहरैँचाका कवि आचार्यको ‘मेरो यात्रा’ कविता सङ्ग्रह सार्वजनिक गरिएको छ । प्रगतिशिल लेखक संघका महासचिब डा देवी दुलाल क्षेत्रीले उक्त कृति लोकार्पण गर्दै आफूहरुले  सर्जकलाई प्रोत्साहित गर्ने कार्यक्रम अगाडि बढाइरहेको बताए । 

लोकार्पित कृतिमा  डा दीपकप्रसाद न्यौपानेले समीक्षा गरेका थिए । भाषाविद् तथा साहित्कारका रूपमा समेत परिचि

मोरङ । मोरङ सुन्दरहरैँचाका कवि आचार्यको ‘मेरो यात्रा’ कविता सङ्ग्रह सार्वजनिक गरिएको छ । प्रगतिशिल लेखक संघका महासचिब डा देवी दुलाल क्षेत्रीले उक्त कृति लोकार्पण गर्दै आफूहरुले  सर्जकलाई प्रोत्साहित गर्ने कार्यक्रम अगाडि बढाइरहेको बताए । 

लोकार्पित कृतिमा  डा दीपकप्रसाद न्यौपानेले समीक्षा गरेका थिए । भाषाविद् तथा साहित्कारका रूपमा समेत परिचित लेखक आचार्यले  लामो समयसम्म सुकुना बहुमुखी क्याम्पसमा प्राध्यापन गरेका थिए । 

कार्यक्रममा सहभागी साहित्यकारले आफ्ना कविता, लघुकथा, कृतिभित्रका कविता, गजल, मुक्तक र हाइकु वाचन गरेका थिए । 

Read More